Axar.az
Yuxarı

Bakıda beynəlxalq neft konfransı keçirilir

Ana səhifə İqtisadiyyat
12 Punto 14 Punto 16 Punto 18 Punto

Bu gün Bakıda Azərbaycan Dövlət Neft Şirkətinin (SOCAR) dəstəyi, Bakı Ali Neft Məktəbi (BANM) və Böyük Britaniyanın "Confidence Capital" şirkətinin birgə təşkilatçılığı ilə Heydər Əliyevin anadan olmasının 93-cü ildönümünə həsr olunan SOCAR "Xəzər və Mərkəzi Asiya: Ticarət, logistika, neft emalı və neft-kimya" 4 günlük beynəlxalq paktiki konfrans başlayıb.

Report xəbər verir ki, konfransa 19 ölkədən 70 nəfər mütəxəssis və ekspert, Azərbaycandan 23 nəfəri mütəxəssis və ekspertlər olmaqla, 150-dən artıq iştirakçı qatılıb.

Bugünkü plenar iclasda dövlət və hökumət nümayəndələri, SOCAR, o cümlədən SOCAR-ın müxtəlif strukturlarının rəhbərləri, millət vəkilləri, Qazaxıstan, Türkmənistan, Türkiyə, Gürcüstan şirkətlərinin təmsilçiləri, müxtəlif ölkələrdən dəvət olunmuş ekspertlər iştirak edirlər.

Konfrans işini 9 sessiyada müxtəlif mövzular üzrə davam etdirəcək. "Azərbaycanın neft və kimya sənaye sahələrinin inkişafının müasir tendensiyaları", "Neft-qaz bazarının və Mərkəzi Asiya və Xəzəryanı bazarın makroiqtisadi icmalı", "Enerji daşıyıcıları ilə təminat üçün logistika koridorlarının vəziyyəti və inkişaf perspektivlərinin qiymətləndirilməsi", "Regionun qaz bazarı", "Xəzəryanı regionu ölkələrinin neft-qaz sahələrinin icmalı: hasilat, neft emalı, istehlak, idxal, ixrac", "Regionda neft və neft məhsulları ticarətinin praktiki aspektləri", "Azərbaycanın neft emalı və neft-kimya sənayesinin inkişafı", "Xəzər regionu və Mərkəzi Asiya ölkələrinin neft emalı və neft-kimya sahələrinin inkişafı", "Ən yeni texnologiyalar və istehsalın səmərəsinin artırılması" mövzuları üzrə sessiyalarda müxtəlif məruzələr dinləniləcək və müzakirələr aparılacaq.

Konfrans çərçivəsində xarici mütəxəssislər üçün SOCAR-ın istehsalat müəssisələrinə səfərlər təşkil ediləcək.

Konfransın açışılında çıxış edən Bakı Ali Neft Məktəbinin rektoru Elmar Qasımov konfransın keçirilməsində məqsədin neft staretgiyasını uğurla təbliğ etmək, konfransın əhatə etdiyi mövzularla bağlı peşəkar mütəxəssislərin diqqətini Azərbaycanın inkişafına cəlb etmək, müxtəlif ölkələrin nümayəndləri arasında əməkdaşlıq əlaqələri yaratmaq, həmçinin SOCAR və beynəlxalq tərəfdaşlar arasında qarşılıqlı informasiya mübadiləsini təmin etmək olduğunu qeyd edib.

Tarix
2016.04.25 / 11:11
Müəllif
Axar.az
Şərhlər
Digər xəbərlər

Neft bahalaşdı

FES növbəti faiz dərəcəsini açıqladı

Neft bahalaşdı

İtaliyaya ixrac etdiyimiz qazın həcmi açıqlandı

Qazın qiyməti yenə 900 dolları keçdi

ABB-nin dəstəyi ilə “EY İlin İş Adamı” müsabiqəsi başlandı

Neft ucuzlaşdı

Dolların bu günə olan məzənnəsi

Nazir neft-qaz sektoruna investisiyaların həcmini açıqladı

Ölkəmizə daha 40 milyard dollar gəlir...

KULT
<>
Xəbər xətti
yatsan
Axar.az'da reklam Bağla
Reklam
Bize yazin Bağla