Axar.az
Yuxarı

BVF Azərbaycandakı islahatları dəstəkləyir

Ana səhifə İqtisadiyyat
12 Punto 14 Punto 16 Punto 18 Punto

İqtisadiyyat naziri Şahin Mustafayev Beynəlxalq Valyuta Fondunun (BVF) Azərbaycanın daxil olduğu ölkələr qrupunun icraçı direktoru və Azərbaycan üzrə missiyasının rəhbəri Məhəmməd əl-Qorçi ilə görüşüb.

İqtisadiyyat Nazirliyinin mətbuat xidmətindən Axar.az-a verilən məlumata görə, görüşdə Azərbaycan və BVF arasında əməkdaşlıq, yeni iqtisadi şəraitlə bağlı ölkəmizdə makroiqtisadi vəziyyət və həyata keçirilən geniş islahatlar, o cümlədən biznes və investisiya mühitinin yaxşılaşdırılması sahəsində aparılan islahatlar, ölkə iqtisadiyyatının prioritetləri barədə müzakirələr aparılıb.

Ş.Mustafayev qeyri-neft sektorunun inkişafının prioritet olduğunu vurğulayıb, Azərbaycan iqtisadiyyatı, son zamanlar iqtisadiyyatın müxtəlif sahələrində həyata keçirilən tədbirlər barədə məlumat verib. Bildirilib ki, sahibkarlığın stimullaşdırılması məqsədilə sahibkarlıq sahəsində yoxlamalar dayandırılıb, lisenziyaların və icazələrin sayı kəskin azaldılıb, gömrük prosedurları sadələşdirilib, Apelyasiya şuraları yaradılıb, maliyyə bazarlarına nəzarət gücləndirilib, investisiyaların təşviqi sahəsində bir sıra tədbirlər həyata keçirilib. Belə tədbirlər davamlı olacaq.

Azərbaycanın beynəlxalq maliyyə institutları, o cümlədən BVF ilə əməkdaşlığa önəm verdiyini qeyd edən nazir ölkəmizdə həyata keçirilən islahatlarda, makroiqtisadi sabitliyin qorunması, qanunvericiliyin və biznes mühitinin təkmilləşdirilməsi, özəl sektorun mövcud durumda maliyyə resurslarına çıxışının genişləndirilməsi sahəsində beynəlxalq maliyyə qurumlarının da rolunun olduğunu bildirib.

Beynəlxalq Valyuta Fondunun Azərbaycan üzrə missiyasının rəhbəri Məhəmməd əl-Qorçi Azərbaycanda iqtisadi sahədə aparılan çevik islahatlar barədə fikirlərini bildirib, Fondun bu addımları dəstəklədiyini vurğulayıb. Qeyd edilib ki, hökumət tamamilə doğru olaraq hazırkı dövrdə özəl sektorun dəstəklənməsini prioritet istiqamət kimi müəyyənləşdirib.

Görüşdə cari ilin gözlənilən makroiqtisadi göstəriciləri barədə fikir mübadiləsi aparılıb.

Tarix
2016.05.27 / 21:36
Müəllif
Axar.az
Şərhlər
Digər xəbərlər

Azərbaycanın strateji valyuta ehtiyatları artıb – Rüstəmov

Azad edilmiş ərazilərdə yeni şəbəkə qurulacaq - Baş bankir

Neft ucuzlaşdı

Dolların bu günə olan məzənnəsi açıqlandı

Neft ucuzlaşdı

Dolların bu günə olan məzənnəsi açıqlandı

Ermənistan Azərbaycanın enerji təhlükəsizliyini təhdid edir

Dolların bu günə olan məzənnəsi

Hərbi İnformasiya Mərkəzinin brifinqi keçirildi

Fransa mallarını boykot etmək olmaz, çünki... - İqtisadçı

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla