Azərbaycan Milli Elmlər Akademiyasının Rəyasət Heyətinin təsisçisi olduğu beynəlxalq "Türkologiya" jurnalının 2016-cı il üçün ikinci sayı çapdan çıxıb.

Bu barədə Axar.az-a jurnalın məsul katibi Elçin İbrahimov məlumat verib. O, "Türkologiya" jurnalının bu sayında Azərbaycan, rus, ingilis və türk dillərində Rusiya, Türkiyə, Qazaxıstan, Almaniya, Azərbaycan alimlərinin məqalələrinin yer aldığını, oxucuların dilçilik, ədəbiyyat, folklor, fəlsəfə, tarix, yazılı abidələr və digər sahələrdə diqqətəlayiq elmi nümunələrlə qarşılaşacağını bildirib.

Elçin İbrahimov həmçinin, jurnalın bu sayında "Türkoloji irs", "Dilçilik", "Ədəbiyyat və Folklor", "Fəlsəfə və Tarix", "Yazılı Abidələr" rubrikalarında yer alan nəzəri məqalələrin, "Türkoloji mərkəzlər", "Elmi həyat", "Personalia", "Nekroloqlar" bölmələrində toplanan yazıların oxucu marağına səbəb olacağına inandığını deyib.