Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
20 Sentyabr 2020


Hücum əmri fevralın 25-də verildi - Şahid

Ana səhifə Kult
12 Punto 14 Punto 16 Punto 18 Punto

Fevralın 27-də çoxsaylı beynəlxalq mükafatlara layiq görülmüş ABŞ və Litva kinematoqrafçılarının birgə istehsalı olan “Sonsuz Dəhliz” ("Endless Corridor") sənədli filmi Praqa şəhərinin “Luserna” kinoteatrında nümayiş etdirilib.

Kult.az.az xəbər verir ki, filmin nümayişi Heydər Əliyev Fondunun vitse-prezidenti Leyla xanım Əliyevanın təşəbbüsü ilə keçirilən “Xocalıya Ədalət!” beynəlxalq təbliğat-təşviqat kampaniyası çərçivəsində Avropa Azərbaycan Cəmiyyətinin (TEAS) və Azərbaycan Respublikasının Çex Respublikasındakı səfirliyinin birgə əməkdaşlığı şəraitində təşkil edilib.

Qeyd edək ki, “Sonsuz Dəhliz” filminin 2015-2016-cı illər ərzində beynəlxalq səviyyədə uğurlu premyerasından sonra xarici kinotənqidçilər tərəfindən müsbət qiymətləndirilib. Film ABŞ-da keçirilən nüfuzlu “Akkolad Qlobal Film” müsabiqəsində “Ən yaxşı tamaşa”, Madrid şəhərində keçirilən Tenerife Beynəlxalq Film Festivalında “Ən yaxşı sənədli film” və “Sənədli filmin ən yaxşı rejissoru”, Milan Beynəlxalq Kinematoqrafçılar Festivalında isə “Sənədli filmin ən yaxşı montajı” mükafatlarına layiq görülüb. Ekran əsəri, həmçinin, “pan-European Eurochannel”, İsrailin “Channel 1”, CNN Turk, TV 24 (Türkiyə), London Live və Al-Jazeera kanallarında nümayiş etdirilib.

Parlamentarilər, jurnalistlər, Azərbaycanın dostları və kinosevərlər də daxil olmaqla, 170 nəfərlik auditoriya qarşısında çıxış edən Avropa Azərbaycan Cəmiyyətinin (TEAS) Benelüks ofisinin rəhbəri Roman Huna tədbir iştirakçılarını salamlayaraq çıxış üçün sözü Azərbaycanın Çex Respublikasındakı səfiri Fərid Şəfiyevə verib. Səfir Xocalı soyqırımının Azərbaycanın müasir tarxində ən dəhşətli hadisə olduğunu deyib:

“İki gün bundan əvvəl regionda Azərbaycan və Ermənistan qoşunlarının təmas xəttində döyüşlər yenidən şiddətlənib. Qarabağ əsilli bir insan kimi deyə bilərəm ki, biz doğma torpağımıza qayıtmaq, əcdadlarımızın qəbirlərini ziyarət etmək və qonşularımızla sülh şəraitində yaşamaq istəyirik”.

Çex Resublikası Parlamentinin vitse-spikeri Voytek Filip də çıxışında bu gecə Dağlıq Qarabağ müharibəsinin ən kədərli hadisələrindən biri olan Xocalı qətliamı şəhidlərinin əziz xatirəsini yad etdiklərini deyib:

“1992-ci il fevral ayının 25-dən 26-na keçən gecə 106 qadın, 63 uşaq və 70 qoca da daxil olmaqla 613 nəfər mülki şəxs həyatını itirib. Biz bu vəhşiliyi unuda bilmərik və unutmamalıyıq. Təəssüf ki, azərbaycanlı qaçqın və məcburi köşkünlər Azərbaycanın ərazisi olan Dağlıq Qarabağ və ona bitişik yeddi rayonun Ermənistan silahlı qüvvələri tərəfindən işğal olunduğuna görə hələ də öz dogma torpaqlarına qayıda bilmirlər. BMT Təhlükəsizlik Şurasının dörd qətnaməsinə baxmayaraq hələ də irəliləyiş yoxdur”.

Avropa Azərbaycan Cəmiyyətinin direktoru Lionel Zetter Xocalı soyqırımının 25-ci ildönümünü yad etmək üçün ötən həftə ərzində TEAS-ın London, Paris, Berlin, Brüssel, Bern, Cenevrə, Afina, Vilnüs və Avropanın digər şəhərlərində fotosərgilər, anım konsertləri və “Sonsuz dəhliz” filminin nümayişlərini təşkil etdiyini bildirib:

“Keçən gecə biz Xocalıya həsr olunmuş ənənəvi anım konsertini keçirmək üçün Parisdəki kilsələrin birində toplaşmışdıq. Olduqca hirsli və aqressiv olan ermənilər kilsəni mühasirəyə alaraq konsertin baş tutmaması üçün əllərindən gələni etməyə çalışırdılar. Məmnuniyyətlə bildirmək istəyirəm ki, konsert çox uğurla keçdi”.

Xocalı soyqırımının canlı şahidi və “Sonsuz dəhliz” filminin baş qəhrəmanı litvalı jurnalist Riçardas Lapaitis də çıxış edib: “Bu gün biz Xocalı şəhərində baş vermiş qırğının 25-ci ildönümünü yad edirik. Həmin müdhiş gecə erməni hərbi qüvvələri Xankəndində dislokasiya olunmuş Sovet ordusunun 366-cı motoatıcı alayının iştirakı ilə Xocalı şəhərinə hücum edərək dinc əhaliyə qarşı divan tutdu.

Ermənistan Xocalıdakı qanlı hadisələrə görə məsuliyyəti öz üzərinə götürüb. Hücum etmək haqqında əmr 25 fevral tarixində, saat 20:50-də faksla Xankəndiyə göndərilib. Ermənistanın Müdafiə Nazirliyi o zaman təsdiq edib ki, onun Dağlıq Qarabağdakı hərbi qüvvələri döyüş hazırlığı vəziyyətinə gətirilərək hücum əmri verilib.

Erməni millətçiləri tərəfindən törədilən bu qırğın keçmiş Sovet məkanında törədilmiş ən dəhşətli vəhşilik olub. Ermənistanın hazırkı prezidenti Serj Sərkisyan da daxil olmaqla, Xocalının mülki əhalisinə qarşı bu təcavüz aktında iştirak edənlərin hamısı birbaşa məsuliyyət daşıyır.

Ümidvaram ki, bir gün ədalət qalib gələcəkdir və bu qırğının törədilməsində günahkar olan şəxslər Haaqada Beynəlxalq Cinayət Məhkəməsinin hakimləri qarşısında cavab verəcəklər”.

Tarix
2017.03.01 / 13:05
Müəllif
Kult.az
Şərhlər
Digər xəbərlər

XIX əsrə aid binada abadlıq işləri aparıldı - Foto

Ermənilər Bakıya görə qırğız saytlarına hücum etdi

Milli Qəhrəmanımızın oğlu infarkt keçirdi

Bu dövlət qurumları cərimələnəcək – Akademik

Ayaqları olmayan Rüstəm Elbrusu fəth etdi - Video

Oğlunu itirən xalq artistinin görüntüsü şok etdi - Video

Təmir bitdi, Elçibəyin ev muzeyi yaradılır - Ərturqut

Bakı və Ankara üçüncü döyüşə girir

Bakının Avropanı xatırladan ekzotik qəsəbəsi - Video

Gülbahar Şükürlünün səhhəti pisləşdi

KULT
<>
Xəbər xətti
 
  
  
  
  
yatsan
Axar.az'da reklam Bağla
Reklam
Bize yazin Bağla