Azərbaycan tamaşaçısına da yaxşı tanış olan məşhur türk aktyor Kadir İnanır xəstəxanaya yerləşdirilib.

Axar.az xəbər verir ki, aktyor Türkiyənin Hakkari bölgəsində "Dünya Sülh Günü" ilə əlaqədar iştirak etdiyi tədbirdə əhvalı pisləşərək xəstəxanaya aparılıb.

Aktyorun pisləşdiyi haqqında məlumatı jurnalist və rejissor Veysi Polad Tvitterdəki şəxsi hesabında yayıb. O, hesabında bu sözləri yazıb: "Aktyor Kadir İnanır Hakkaridəki tədbirdə səhnədə pisləşdi. Təcili olaraq xəstəxanaya aparıldı".

Qeyd edək ki, daha sonra jurnalist aktyorun təzyiqinin qalxdığını, amma indi vəziyyətinin yaxşı olduğunu yazıb.