Ana səhifə Kult |
Millət vəkili Fazil Mustafa Qafqaz İslam Ordusunun komandanı, 1918-ci il Azərbaycanda soyqırım həyata keçirən erməni-daşnak silahlı quldur dəstələrinə qarşı savaşan və sentyabrın 15-də Bakını işğaldan azad edən Nuri Paşa ilə bağlı cizgi filminin çəkilməsi təşəbbüsünü irəli sürüb.
Axar.az xəbər verir ki, yaxın çevrəsindən irəli sürülən bu təklifi dəstəklədiyini bildirən F.Mustafa filmi maliyələşdirəcək qurum tapmağa hazır olduğunu bildirib. Onun fikrincə, Türkiyədə bu işi həll etmək mümkündür:
"Orada bunun çəkilişini gerçəkləşdirənlər tapılar. Ssenari məsələsinə gəldikdə isə qabiliyyəti olan və Paşanın ruhu qarşısında özünü borclu sayan Azərbaycanın yaradıcı adamları öz layihələrini hazırlaya bilərlər və onların içindən birini seçmək olar. Bu sahədə özümü sınamasam da, əgər hansısa uyğun layihə ortaya çıxmasa, bu işi özüm gerçəkləşdirməyə çalışacağam. Böyüklərimizin vəfasızlıq kodunu, heç olmasa, uşaqlarımıza buraxmayaq. Hər halda, yaxın zamanlara bunu nə yolla olursa olsun, gerçəkləşdirməyə çalışacağam".
Tarix
2014.12.13 / 13:02
|
Müəllif
Axar.az
|