Ana səhifə Kult |
Türkiyənin Boğaziçi Universitetində Nazim Hikmət Kültür və Sənət Araşdırma mərkəzinin açılışı olub. Nobel mükafatlı yazar Orxan Pamuk mərkəzin açılışına telekörpü vasitəsi ilə qoşularaq çıxış edib.
Axar.az xəbər verir ki, nobelli yazar Nazim Hikmətin inanılmaz istedadının düşmənləri tərəfindən belə qəbul edildiyini vurğulayıb.
Orxan Pamuk Nazimi bütləşdirməyin əleyhinə olduğunu deyib: "Nazim Hikməti anlamaq onu tabu və qadağalarla qorunan büt halına salmaq deyil, onu bu inanılmaz istedadını necə böyük ədəbiyyat halına saldığını addım-addım görməkdir. Biz qəhrəmanlarımızı anlamaq deyil, onlara heyran olmaq istəyirik. Qəhrəmanlarımız haqqında tabular icad edirik. Nazim Hikmətin həyatı da, əsərləri də bu cür tabu və qadağalarla doludur. Nazimi bütləşdirmək lazım deyil. Atatürk dövründə Nazim Hikmət haqqında açılan iddialar, şairin bir neçə dəfə sürgünə və ya həbsə göndərilməsinə baxmayaraq, Atatürkü sevməyə davam etməsi, ancaq həbsdən çıxan kimi "Kuvayi Milliye Destanı"nı yarımçıq saxlaması belə tabu mövzusudur".
Qeyd edək ki, bir qrup tələbə Pamukun bu fikirlərinə etiraz edib.
Tarix
2014.12.17 / 18:21
|
Müəllif
Nilufər Muğantürk
|