Artıq nəinki bu şəhərdə, Azərbaycanın hər yerində "Bu şəhərdə"ni tanımayan yoxdur: Rafael-Coşqun tandeminin adı gələndə artıq hər kəsin dodağı qaçır.

Prezident sərəncamı ilə yenicə əməkdar artist adına layiq görülən "Bu şəhərdə"nin aparıcı simaları ilə görüşdük – təbii ki, prodüser və komandanın o qədər də görünməyən əsas şəxsi - Müşfiq Abbasovla birgə.

Maraqlıdır ki, müsahibədə fərdi suallara da "ümumi", komanda şəklində cavab verməklə, üçlük vahid komanda olduğunu bird aha nümayiş etdirdi.

Müşfiq Abbasov da elə beləcə dedi: "Cavablarımızı ümumi verin, çünki hər birimizin cavabı elə hamımızın fikridir".

Biz də bu sevimli dostların cavablarını bir-birindən ayırmadıq…

Üçqat bayram oldu…

- "Bu şəhərdə" komandası əməksar artist fəxri adına layiq görüldü. Daha doğrusu...

- Yox, elə siz çox gözəl vurğuladınız ki, məhz "Bu şəhərdə" komandası bu ada layiq görüldü. Bir çoxları yalnız "Rafael-Coşqun" deyir, amma bu hamımızın, efirdə, səhnədə görünməyənlərin əziyyətinin nəticəsidir. O baxımdan, "Bu şəhərdə" teatrının bütün aktyorları tam olaraq əməkdar artist adına layiq görülüblər. Çox sevindirici haldır və biz Cənab Prezidentimizə dərin təşəkkürümüzü bildiririk. İl sonu – Yeni il və Dünya Azərbaycanlılarının Həmrəyli Günü ilə bağlı hamı üçün ikiqat bayramdısa, bizim üçün üçqat bayram oldu. Təsəvvür edin, gözləmədiyimiz anda bizə bu xəbəri verirlər: inanın, çox sevinirik...

- Heç bu ada ümid edirdinizmi?

- Açığı, hamı bunu istəyir; kim istəməz ki! Səhnədə olan hər bir insan təbii ki, o günü gözləyir. Sadəcə, həqiqətən bizim üçün sürpriz oldu.

- Əməkdar artist fəxri adından sonra Xalq artisti adı gəlir... İddianız yaranıbmı?

- Əlbəttə. Çalışmaq lazımdır ki, daha böyük naliyyətlər qazanaq. Əslində, bu adın verilməsi bizim üçün ikiqat məsuliyyət doğurur. Üzərimizdə daha çox çalışmalı, daha peşəkar olmalıyıq.

Uğurumuza sevinmədilər

- Fəxri ada layiq görüldüyünüzdə sevinənlər də oldu, qınayanlar da. Sosial şəbəkələrdə "Rafael və Coşqunun əməkdar artist olduğu ölkədə yaşayırıq" kimi fikirlər yazırdılar...

- Hamı bizi sevə və uğurumuza sevinə bilməz. Amma yaxın dostların, bizi sevənlərin zəngləri susmurdu. Ola bilsin, sevməyənlər də təbrik etdi, amma əksəriyyəti sevənlər idi - biz buna əminik. Konkret bir neçə insan var, bilirik ki, bizim uğurumuza sevinmədilər.

- Sevinməyənlər kimlərdir?

- Bu haqda danışmayaq, ən azından çox şükür ki, sevənlərimiz çoxdur.

- Sevinənlərdən kimin səmimiyyətinə daha çox inanırsınız?

- Vallah, çoxlarının adını saymaq olar. Murad Dadaşov, Bəhram Bağırzadə... Çoxdurlar, saymaqla bitməz – şükürlər olsun.

Naxçıvamda konsertimiz olacaq

- 2015-ci ildə "Bu şəhərdə" komandası konsert proqramıyla bağlı nə vəd verə bilər sevənlərinə?

- Fevralın 28-si Naxçıvanda, Heydər Əliyev sarayında böyük konsertimiz olacaq. Bakıya döndükdən sonra martın 5-dən etibarən beş günlük konsert proqramıyla çıxış edəcəyik. Əgər tamaşaçı istəsə, konsert günlərinin sayı arta da bilər: yəni konsertdə yaşanan izdihamdan aşlıdır.

Elza Seyidcahanın şeir deməyini

- Sirr deyilsə, konsertdə kimləri parodiya edəcəksiniz?

- Biz orda bir çox mövzulara toxunacağıq. Məişət problemlərindən tutmuş müğənnilərin parodiyasına kimi...

- Hansı müğənnidən gedir söhbət?

- Gözəl və hər zaman yeniliklərlə yadda qalan Elza Seyidcahanı parodiya edəcəyik. Amma bu dəfə tam fərqli olaraq onun oxumağını və geyimini deyil, şeir deməyini (gülürlər). Bizim o xanıma çox böyük hörmətimiz var və hər zaman olduğu kimi özü də səhnədə oturub alqışlayacaq.

- İllər ərzində parodiya etdiyiniz insanlar tərəfindən inciklik olubmu?

- Yox, olmayıb. Əksinə, parodiya etmədiklərimiz bizdən inciyiblər. Elariz Məmmədoğlu və Maestro Ceyhun belələrindəndir.

Kompleksi olmayan gərək insanlıqdan kənar olsun

- Kimi parodiya etmək istəmisiniz, amma sizdə alınmayıb. Belə bir hal olubmu?

- Bəli olub. Xalq artist Aygün Kazımova və Könül Kərimova. Yəni alındırmışıq, amma ürəyimizcə olmadığı üçün efirdə parodiya etməmişik. Elgizi parodiya edəndə heç inanmırdıq elə uğurlu alınsın, biz konsertdə həmin nömrəni təxirə salmaq istəyirdik. Amma elə alındı ki, öhdəsindən çox gözəl gəldik və tamaşaçı tərəfindən yüksək dəyərləndirildi.

Aramızda inciklik olub

- Adətən deyirlər ki, yumorist və aktyorlar həyatda tam başqa cür olurlar. Siz necə, səhnədətamaşaçıları güldürən Rafael və Coşqun həyatda tam ciddi insanlarsınız, ya necə?

- Xeyir, səhnədə bizim heç bir kompleksimiz yoxdur və bu ondan irəli gəlir ki, işimiz budur. Amma həyatda kompleksi olmayan insan gərək o zaman insanlıqdan kənar olsun.

- Aranızda heç inciklik olub?

- İş zamanı bəli, olub.

- İllər öncə "Bakılı oğlanlar" və "Bu şəhərdə" komandası "Məhəllə" adlı yumoristik bir film ərsəyə gətirdi. Bu film tamaşaçılar tərəfindən çox sevildi. Yenidən belə bir layihəyə imza atmağı düşünürsünüzmü?

- Niyə də olmasın!? Qismətdən asılıdır. Onu deyə bilərik ki, bizim gördüyümüz işlər çox məhsuldardır. Konsertlərimiz bu gün bazarda olan filmlərin hamısını üstələyir. Auditoriya, baxış sayı və öz keyfiyyəti ilə gündəmdəyik...

- Təkliflər gəlirmi iş birliyi üçün?

- Bəli, elə bu gün Bakı Avropa Oyunları Əməliyyat Komitəsininin baş direktoru Saymon Kleq tərfindən marağlı təklif almışıq. İnanırıq ki, uğurlarımız axrıncı deyil, axarıncıdır inşallah.