Axar.az
Yuxarı

Axar.Az Logo

Paşinyanın “Böyük Tiqranı” kimdir? – Tarixi faktlar

Ana səhifə Kult
12 Punto 14 Punto 16 Punto 18 Punto

Ermənistan Baş Naziri Nikol Paşinyanın “erməni kralı” olaraq qeyd etdiyi Böyük Tiqran əslən Parfiyanın arşakilər sülaləsinə mənsub bir şəxs olub.

Bu sözləri Kult.az-a açıqlamasında tarixçi Kərəm Məmmədov Münhen Təhlükəsizlik Konfransı çərçivəsində Ermənistan Baş naziri Nikol Paşinyanın “erməni kralı” Böyük Tiqranın romalı Pompeylə danışıqlar aparan zaman Cənubi Qafqazda və bütün dünyada Azərbaycan adlı ölkənin olmaması barədə sözlərini şərh edərkən deyib. O bildirib ki, bu gün dünya siyasi xəritəsində çox az dövlət tarixi adını saxlayıb:

“Nəzərə almaq lazımdır ki, tarixdə hayların “Armeniya” adlı bir krallığı olmayıb. “Armeniya” coğrafi bir termindir və haylarla heç bir bağlılığı yoxdur. Təsadüfü deyil ki, bu gün ermənilər özlərini “hay”, ölkələrini isə “Hayestan” adlandırırlar.

Paşinyanın “erməni kralı” olaraq qeyd etdiyi Böyük Tiqran adlı tarixi şəxs həqiqətən də olub. Lakin bu tarixi şəxsin hay hökmdarı olması tamami ilə uydurmadır. Böyük Tiqran etnik olaraq partdır və Parfiya imperiyasının arşakilər sülaləsinin bir qolu olan artaşıdlər (artaksid) sülaləsinə məsnub olub. Məşhur amerikalı tarixçi Vayn Kepperin arşakilər sülaləsi ilə bağlı xüsusi araşdırması var. Bu əsərdə arşakilər sülaləsinin bütün nümayəndələri haqda ətraflı məlumat qeyd edilib. Erməni tarixçiləri də bütün əsərlərində qeyd edirlər ki, arşakilərin haylarla heç bir əlaqəsi yoxdur”.

K.Məmmədov bildirib ki, Böyük Tiqran tarixdə heç də müsbət obraz kimi xatırlanmır:

“Tiqran öz ailəsinə xəyanət etmiş bir şəxs olaraq tanınır. Ermənilərin ağız dolusu danışdığı və özününküləşdirmək istədiyi bu şəxsin tarixdə elə də ciddi bir fəaliyyəti olmayıb. Tarixi qeydlərdə Tiqranın Pont çarlığı ilə uzun illər müharibə etməsi və elə bu müharibə gedişində əsir alınaraq həbs edilməsi qeyd olunur.

Nikol Paşinyanın qeyd etdiyi erməni kralı Böyük Tiqranın romalı hərbi lider Pompeylə danışıqlar aparması da tarixi bir həqiqətdir. Lakin görünür, Paşinyan Roma sərkərdəsi Pompey ilə Tiqran arasında gedən danışıqların təfərrüatını bilmir. Bilsəydi, bu məsələni belə rahatlıqla tarixi arqument olaraq dilə gətirməzdi.

Bəli, Tiqran ilə Pompey arasında danışıqlar olub, lakin bu danışıqlar zamanı o özünün olmayan torpaqlarını Pompeyə verib. Bundan sonra Tiqran Roma himayəsində kiçik bir ərazidə vassal kimi hakimiyyət qura bilib. Onu da qeyd edim ki, Paşinyanın sözlərinin əksinə, Tiqranın yaşadığı tarixi dövrdə Qafqazda Albaniya, Araz çayından cənubda isə Atropatena dövlətləri mövcud olub. Dünya tarixşünaslığında Azərbaycan coğrafi adının Atropatenadan formalaşdığı birmənalı olaraq qəbul edilir”, - deyə o bildirib.

Tarix
2020.02.17 / 21:44
Müəllif
Turan Rzayev
Şərhlər
Digər xəbərlər

Şuşada Xarı bülbül: 1992 və 2021... - Foto

Fikrət Qoca I Fəxri xiyabanda dəfn olundu

"Speys"in yeni rəhbərindən ilk açıqlama

Speys TV-yə yeni rəhbər təyin olundu

Zəfər muzeyinin konsepsiyası hazırdır

Fikrət Qocanın dəfn olunacağı yer açıqlandı

"Qaya" ansamblının gitaraçısı koronadan vəfat etdi

Arif Quliyevin vəziyyəti pisləşdi

“Türk dünyası coğrafiyası və etnosu” təqdim edildi

Şuşanın ən son görüntüləri - Video

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla
1xBet