Britaniyada "Oldie" jurnalının hər il yaşlı insanların uğurlarını qeyd etmək üçün verdiyi “İlin ən yaşlısı” mükafatına bu il Böyük Britaniya kraliçası II Yelizaveta layiq görülüb.

Kult.az xəbər verir ki, 95 yaşlı kraliça mükafatdan imtina edib.

Bununla bağlı kraliçanın şəxsi katibinin köməkçisi Tom Lainq-Baker jurnala məktub ünvanlayıb:

“Kraliça insanın hiss etdiyi yaşda olduğuna inanır. Bu səbəbdən mükafatı qəbul edə bilmək üçün müvafiq meyarlara uyğun olmadığını düşünür”, - məktubda deyilir.

Qeyd edək ki, kraliçanın aprel ayında vəfat edən həyat yoldaşı şahzadə Filip “İlin ən yaşlısı” mükafatını 2011-ci ildə 90 yaşında almışdı.