Elə romanlar var ki, nə qədər uzun olmasından asılı olmayaraq oxucu onu böyük həvəslə oxuyur, kitabın sonuna necə gəlib çıxdığını belə hiss etmir. Bu tip kitablara Dostoyevskinin bəzi romanlarını, Lev Tolstoyun "Hərb və sülh"ünü və onlarla digər kitabı misal göstərmək olar.

Bəs dünyanın ən uzun romanları hansılardır?

Axar.az "Qardian"ın tərtib etdiyi tarix boyu yazılan ən uzun 10 kitab siyahısını təqdim edir (Qeyd edək ki, Azərbaycan oxucusuna tanış olan bəzi əsərlər (məsələn, "Hərb və sülh") nədənsə bu siyahıya salınmayıb):

1. Kalki Krişnamurti – "Ponninin oğlu" – 2400 səhifə

Bu kitabın qələmə alınması üçün 4 il vaxt lazım olub.

2. Madlen de Skyuderi – "Artamen" – 13095 səhifə

10 cilddə yazılan bu kitabda 2 milyondan çox sözdən istifadə olunub.

3. Mahmud Dovlatabadi – "Kelidar" – 2836 səhifə

1984-cü ildə yayımlanan bu əsəri ərsəyə gətirmək üçün 14 il vaxt sərf olunub.

4. Tomas Menn – "Yusif və qardaşları" – 1492 səhifə

1926 – 1942-ci illərdə yazılan bu roman 4 cilddən ibarətdir.

5. Samuel Riçardson – "Klarisa" – 1534 səhifə

1748-ci ildə yayımlanan bu roman gənc qızın faciəsindən bəhs edir.

6. Karl Knausqard – "Mübarizəm" – 3600 səhifə

Norveçli yazıçı Karl tərəfindən 2009-2011 illərində qələmə alınan bu əsər avtobioqrafikdir. Bütün dünya oxucuları tərəfindən böyük maraqla qarşılanan roman 22 dilə tərcümə olunub.

7. Arno Şmidt – "Zettels Traum" – 1536 səhifə

1979-cu ildən oxuculara təqdim olunan bu roman Şmidtin ən yaxşı əsəri kimi tarixə düşüb.

8. Robert Musil – "Keyfiyyətsiz adam" – 1774 səhifə

Avstriyalı yazıçı Robert Musilin "Keyfiyyətsiz adam" romanı günümüzün modern roman anlayışının əsaslarından birini təşkil edir.

9. L. Ron Hubbard – "Vəzifəmiz dünyadır" – 3992 səhifə

Bu kitab uzun müddət bestseller siyahılarında rəhbərliyi qoruyub saxlamağa müvəffəq olub.

10. Marsel Prust – "İtirilmiş zamanın axtarışında" – 3031 səhifə

"İtirilmiş zamanın axtarışında" romanı XX əsrə damğasını vuran əsərlərdən biridir.