Rusiyanın Tula vilayət məhkəməsi Azərbaycan vətəndaşını bir il müddətinə azadlıqdan məhrum edib.

Axar.az Teleqraf-a istinadən xəbər verir ki, bu barədə məhkəmənin mətbuat xidməti məlumat yayıb.

O, bu ilin mart ayında "Böyük Vətən müharibəsi illərində Tula şəhərinin qəhrəman müdafiəçilərinə" həsr olunmuş memorial kompleksdəki “Əbədi alov”u təhqir etməkdə ittiham olunur.

İddia olunur ki, Azərbaycan vətəndaşı Rusiyanın hərbi şöhrət rəmzlərini və Vətən müdafiəçilərinin xatirəsini təhqir etdiyi zaman (Rusiya Cinayət Məcəlləsinin 354.1 maddəsinin 3-cü hissəsi) spirtli içkinin təsiri altında olub. Məhkəmə iclası zamanı təqsirləndirilən şəxs günahını tam etiraf edib və əməlindən peşman olduğunu bildirib.