Qızıl Portağal mükafatlı məşhur yazıçı Tarık Dursun 84 yaşında vəfat edib.

Axar.az türk mətbuatına istinadən xəbər verir ki, yazıçının vəziyyəti ağırlaşdığından xəstəxanaya aparılıb və elə orada da ağciyər çatışmazlığından vəfat edib. O, parkinson xəstəliyindən də əziyyət çəkirdi.

Tarık Dursun ömrünün son illərində Atatürk haqqında roman yazmaq istəsə də, bu arzusu ürəyində qaldı. Yazıçının həyatı ilə bağlı geniş məlumatı "Dəniz küləyi ilə dol, qəlbim" adlı sənədli filmdən əldə etmək olar.

Qeyd edək ki, həm də rejissor olan Tarık Dursun hekayələrinə, romanlarına görə bir sıra nüfuzlu mükafata layiq görülüb.