SOY prodakşnın çəkdiyi "Qayınana-mız" serialında rol almışam.

Bu sözləri xalq artisti Afaq Bəşirqızı ilk dəfə seriala çəkilməsi ilə bağlı Axar.az-a danışarkən deyib. O, serialın komediya janrında olduğunu bildirib:

"Artıq 2 ildən çoxdur ki, serial haqda müzakirələr, danışıqlar gedirdi. Məhz "Qayınana-mız" motivi mənim öz istəyimlə oldu. SOY bu barədə fikirləşdi, danışıqlar apardı. Daha sonra ssenari yazıldı. Ssenarini oxudum, bəyəndim və çəkilişlərə başladıq. Artıq 15 gündür ki, çəkilişlər başlayıb.

Rəsmi məlumat olmasa da, sentyabr ayının ortalarından serialın ATV kanalında yayımlanmağa başlayacağı barədə çəkilişlər zamanı danışıqlar aparıldığının şahidi olmuşam".