Axar.az
Yuxarı

“Vəliəhd Firəngizi sevirdi” – 30 illik sirr

Ana səhifə Kult
12 Punto 14 Punto 16 Punto 18 Punto

Çox dilə tutduq, amma fikrindən dönmədi.

Bu sözləri yazıçı Nəriman Əbdürrəhmanlı dünən vəfat edən tanınmış aktyor Vəliəhd Vəliyevlə bağlı xatirələrini Axar.az-a danışarkən deyib:

"Mən Dövlət Universitetini bitirəndən sonra təyinatla Daşkəsən rayonuna göndərilmişdim. Vəliəhd də həmin rayonun Əmirvar kəndində doğulmuşdu, Ümumittifaq Dövlət Kinematoqrafiya İnstitutunun aktyorluq fakültəsini bitirmişdi. Rejissorlar Elxan Qasımov və Yefim Abramov 1982-ci ildə Əhmədağa Muğanlının ssenarisi əsasında "Çobanbayatı" filmini çəkmək üçün Daşkəsənə gəlmişdilər. Vəliəhd də həmin filmdə əsas rollardan birini oynayırdı. Filmdə xalq artistləri Ələddin Abbasov, Əlabbas Qədirov, Şahmar Ələkbərov, o zaman hələ gənc olan Rasim Balayev, Fəxrəddin Manafov, Firəngiz Mütəllimova və başqaları çəkilirdilər. Vəliəhdlə orada tanış olduq. Çox səmimi, deyib-gülməyi, zarafatı, xudmani məclisləri sevən insan idi. İndi daha bu sirri də demək olar: Vəliəhd həmin vaxt Firəngiz Mütəllimovaya vurulmuşdu, evlənmək istəyirdi. Sirrini bizimlə, mənimlə və operator Nizami Abbasla bölüşürdü. Amma sevdası baş tutmadı, az sonra başqa xanımla ailə qurdu. Film başa çatandan sonra əlaqəmiz davam elədi.

1990-cı illərin əvvəllərində mən də kinostudiyada işləyirdim. "Yaddaş" studiyasında redaktor-ssenarist idim. Onda Vəliəhd PAKT müstəqil kinostudiyasını yaratmışdı. Əvvəl mənə İranın "Laləfilm" kinostudiyası ilə birgə film üçün "Divlər zindanı" adlı ssenari yazmaq sifariş elədi, ssenarini Eyvaz Əlləzoğlu və Yaşarla çox qısa müddətə – 15 günə yazdıq. Sonra Cəmşid Əmirovun "Qara volqa" əsərinin motivləri əsasında ssenari yazmaq təklif elədi. Həmin film də 1993-cü ildə çəkildi. Vəliəhd özü də filmlərdə epizodik və ikinci dərəcəli rollarda çəkilirdi, amma ona elə gəlirdi ki, potensialını gerçəkləşdirə bilmir.

Həmin vaxt oğlu ABŞ-da təhsil alırdı, Vəliəhd onun yanına getdi, qayıdandan sonra qəti qərara gəldi ki, köçüb gedəcək. Çox dilə tutduq, amma fikrindən dönmədi. Aradan keçən təxminən 15 il ərzində cəmi bir dəfə görüşə bilmişdik, hərdən əlaqə saxlayırdıq. Yaradıcılıqdan uzaq olsa da, Amerikadakı həyatından razı idi. Təəssüf ki, onu sənətçi kimi itirdik. Vəliəhddən indi çəkildiyi filmlər qalıb".

Qeyd edək ki, 1952-ci ildə anadan olan Vəliəhd Vəliyev Azərbaycan tamaşaçısına daha çox "Evlənmək istəyirəm" filmində yaratdığı Əhməd bəy obrazı ilə tanışdır.

Tarix
2015.09.12 / 09:09
Müəllif
Nigar An
Şərhlər
Digər xəbərlər

Məşhur türk serialı Şuşada çəkiləcək

Təpəbaşının Azərbaycana məxsusluğunu sübut edən faktlar

Milli Kino Günü təltiflər olacaq

Sərgidən əl işləri alındı, muzeyə bağışlandı

Bakıda baltalı adama sensasion dəstəyin səbəbi

Azərbaycanın ikinci ən hündür binası

Şərqin ilk qubalı qadın pilotu Məmmədbəyova

Rusiyanın sui-qəsd əmrini Şuşada kimlər və necə icra edib?

Millət vəkili və başçı bu təqdimata qatıldı

Nazirlik 11 müəssisəsini prokurorluğa verdi, 2 rəisi qovdu

KULT
<>
Xəbər xətti
Axar.az'da reklam Bağla
Reklam
Bize yazin Bağla