Avstriya polisi gözəllik kraliçasının qalibi olmuş modelin ölümcül xəsarət almasını araşdırır. Keçmiş "Miss Avstriya" Ena Kadiç evinin yaxınlığında 30 metrlik qayadan yıxılıb.

Axar.az xəbər verir ki, 26 yaşlı Kadiç ağır baş-beyin travması, həmçinin ağciyər zədələnməsi ilə xəstəxanaya çatdırılıb. Yıxıldıqdan sonra bir müddət özündə olan qız qardaşına zəng etməyə macal tapıb.

Sonra qohumları xilasediciləri çağırıb və Kadiç helikopterlə xəstəxanaya çatdırılıb. Təəssüf ki, həkimlər qızın həyatını xilas edə bilməyib və o, oktyabrın 21-də dünyasını dəyişib.

Qızın qayadan yıxılmasının təfərrüatları tam bəlli olmasa da, polislər keçmiş "Avstriya gözəli"nin qaçışla mütəmadi məşğul olduğunu və ərazini yaxşı tanıdığını bildiriblər. Hüquq-mühafizə orqanları faktla bağlı təhqiqata başlayıb.