Azərbaycanın məşhur aşığı Xanlar Məhərrəmovun varisi Aşıq Azər Xanlaroğlunun səhhətində yaranan problemə görə yaxınları hərəkətə keçib.

Axar.az xəbər verir ki, onun adına artıq "Bank Respublika"da hesab nömrəsi açılıb.

Hesaba "Milli Ön" terminalları vasitəsilə istənilən yerdə ödəniş etmək mümkündür. Kod- 380194401151751001, şəxsiyyət seriya nömrəsi- 14040620.

Qeyd edək ki, Azər 3 ildir Hepatit B xəstəliyindən əziyyət çəkir, artıq yatağından dura bilmir. Onun müalicəsinin yalnız İsraildə mümkün olduğu deyilir.

Ötən gün millət vəkili Qənirə Paşayeva Azər Xanlaroğlunu evində ziyarət edib və bugündən onun müalicəsinə başlanacağı barədə məlumat verib.

Azər Xanlaroğlu saz ifaçılığında xüsusi istedadı ilə seçilən sənətkardır.