Yuxarı

Qırıcılarımız “Anadolu Qartalı - 2025” təlimində - Video

Ana səhifə Toplum
12 Punto 14 Punto 16 Punto 18 Punto

11:00

Azərbaycan Hərbi Hava Qüvvələrinin bir qrup şəxsi heyəti Türkiyədə keçirilən “Anadolu Qartalı - 2025” beynəlxalq taktiki-uçuş təlimində iştirak edib.

Bu barədə Axar.az-a Müdafiə Nazirliyindən məlumat verilib.

Bildirilib ki, təlim müddətində iştirakçılara təhlükəsizlik qaydaları, hərəkət marşrutları, icra olunacaq tapşırıqlar, meteoroloji vəziyyət barədə brifinq təqdim olunub.

Ssenarinin praktiki icra mərhələsində texniki heyət aviasiya vasitələrini hazır vəziyyətə gətirdikdən və son yoxlamaları apardıqdan sonra hərbi pilotlarımız aviabazadan qrup şəklində uçuşlar həyata keçirərək, hava kəşfiyyatının aparılması, hava üstünlüyünün əldə olunması, şərti hədəflərin məhv edilməsi və digər tapşırıqları yerinə yetiriblər.

Plana uyğun olaraq, hərbi pilotlarımız hava-hava, hava-yer təyinatlı tapşırıqların icrası ilə yanaşı, Türkiyə HHQ-sinin aviasiya heyətləri ilə birlikdə uçuşlar da həyata keçiriblər.

İyulun 4-də Konya şəhərində keçirilən bağlanış mərasimində Azərbaycan HHQ-sinin şəxsi heyətinin “Anadolu Qartalı - 2025” beynəlxalq taktiki-uçuş təlimi zamanı sərgilədiyi yüksək peşəkarlıq xüsusi vurğulanıb.

Qeyd edək ki, iştirakçı ölkələrin HHQ-ləri arasında qarşılıqlı əməkdaşlığı, birgə fəaliyyət qabiliyyətini və döyüş hazırlığını artırmaq məqsədilə keçirilən təlimdə Azərbaycan, ABŞ, İordaniya, Macarıstan, Qətər, Səudiyyə Ərəbistanı, Türkiyə və NATO-nun HHQ nümayəndələri iştirak ediblər.

Tarix
2025.07.04 / 17:14
Müəllif
Axar.az
Digər xəbərlər

Rusiya Azərbaycanı itirdi - Saakaşvili

Əliyevin strateji gedişi və Xankəndi Zirvəsinin şifrələri

Yekaterinburq hadisəsi: Səfərov apellyasiya şikayəti verdi

Xankəndidə Əliyevlə Peşezkianın görüşü keçirildi

Japarovun Azərbaycana səfəri başa çatdı

Ərdoğanla Şahbaz Şərif Xankəndidə görüşdü

Xankəndidə Zirvə görüşü: Prezident çıxış etdi

Ərdoğan və Pezeşkian Xankəndidə görüşdü

Bakı daha bir mühüm konfransa ev sahibliyi edəcək

Tatar Xankəndidə çağırış etdi: Buna son qoyulmalıdır!

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla