Bir müddət öncə həbs olunan, falçılıq, astrologiya, spiritualizm və ulduz xəritələri kimi bir çox sahədə xidmət göstərən "Faləddin" və "Binnaz" fal proqramlarının sahibi Sərtaç Daşdələn falçılara inanmadığını bildirib.

Aaxar.az xəbər verir ki, onun bu sözləri Sülh Cəza Məhkəməsində "cinayət yolu ilə əldə edilmiş pul vəsaitlərinin yuyulması" ittihamı ilə bağlı verdiyi ifadədə yer alıb.

“Mən Türkiyəyə pul və iş gətirmiş bir texnologiya təşəbbüskarıyam. Biz süni intellektdən istifadə edən proqramlar hazırlayırıq. Məni əvvəllər də araşdırmışdılar. Mən falçılara inanmıram. 120 ölkədə tətbiqlərimizdən istifadə olunur və ölkəmizə valyuta axınını mən təmin edirəm. Falçılıqla, mollalıqla, tilsimləməklə məşğul olmuram”, - deyə o bildirib.