Xalq artisti Eyyub Yaqubov 23 fevralda “Kişilər günü” adlı konsert verəcək.

Kult.az xəbər verir ki, konsertin elanı sosial şəbəkələrdə yayılıb.

“Xanımlara bəysiz giriş qadağandır”, - təqdimat çarxında qeyd olunub.

Xalq artistinin 23 fevralı “Kişilər günü” adlandırması sosial şəbəkə istifadəçilərinin narazılığına səbəb olub.

Qeyd edək ki, 23 fevral keçmiş SSRİ-də Sovet ordusu və Hərbi Dəniz Donanması Günü kimi qeyd olunurdu. 1992-ci ildə Rusiyada bu bayramın adı “Vətən Müdafiəsi Günü”nə dəyişdirilib.

Yəni hazırda 23 fevral Rusiyanın Müdafiəsi Günüdür.

Azərbaycanda “Kişilər günü” kimi qəbul edilən Ordu Günü 26 iyundadır.