Türkiyənin İsparta şəhərində bala itin qulaqlarını kəsən iki şəxsin həbs olunmaması heyvansevərlərin sərt reaksiyasına səbəb olub.

Axar.az xəbər verir ki, müğənni Bülənd Ərsoy “Duymayan qalmasın” verilişinə telefonla qatılaraq, həmin adamların cəzalandırılmasını tələb edib:

“Bir şey etmək istəyirsinizsə, şəxsən bunu edən adamlara reaksiya verməlisiniz. Məni edam edəcəklərini bilsəm də, onlar əlimə keçəndə şillələyəcəyəm. İtlər də canlıdır, axı onların qulağını niyə kəsdin? Bu adamlar potensial terrorçulardır, onların üzlərini belə görmək istəmirəm. Çıxan xəbərləri oxudum, ürəyim ağrıdı. İtə işgəncə verənlərin cəzalandırılması məsələsində əlimdən gələni edəcəyəm. Lazım gəlsə, Ankaraya gedəcəyəm və o iki zibilə qulağın necə kəsildiyini göstərəcəyəm!”