Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
16 Yanvar 2019


2018-ci ilin ən uğurlu filmi bəlli oldu - Foto

Ana səhifə Maqazin
12 Punto 14 Punto 16 Punto 18 Punto

“Şollerin arxivi” bədii filmi dünyada böyük marağa səbəb olub, 6 ayda iyirmi beynəlxalq festivalda uğur əldə edərək Azərbaycan kino tarixinin ən çox mükafat qazanan ekran əsəri kimi müəyyənləşdirilib.

Kult.az xəbər verir ki, bu barədə Azərtac-a filmin ssenari müəllifi, quruluşçu rejissoru və baş prodüseri Cəlaləddin Qasımov məlumat verib.

O bildirib ki, film almanların Azərbaycana gəlişinin 200 illiyi münasibətilə və Prezident İlham Əliyevin imzaladığı müvafiq Sərəncamın icrası çərçivəsində çəkilib. Ekran əsəri Avropa mədəniyyətindən, Alman-Azərbaycan dostluğundan bəhs edir. İyirmi beynəlxalq festivalda uğur qazanan film beş festivalda qızıl mükafata layiq görülüb. Dekabr ayında ekran işi daha üç festivalda qələbə uğrunda mübarizəyə qoşulub. Film Hollivudda “Global Nonviolent Film Festival”, Fransada isə “Mediterranean Film Festival Cannes” festivallarında “Ən yaxşı bədii film” adını qazanıb. Həmçinin bu ekran əsəri Hollivudda “Global Nonviolent Film Festival”ın jurnalına daxil edilib.

Baş prodüser hesab edir ki, bu film Azərbaycan ilə Avropa arasındakı mədəni əlaqələrdə çox mühüm yeri olan bir sənət əsəridir.

Bildirilib ki, ABŞ, İngiltərə və Yaponiya kinoteatrlarında nümayiş etdirilən film “Oskar”ın siyahısına düşməyin bir addımlığındadır.

Triller janrında çəkilmiş ekran əsərinin rejissoru Adil Qulamov, operatoru Fahir Səmədoğlu, montajçısı Faiq Nağıyevdir. Filmdə Xalq artisti Sabir Məmmədov, Əməkdar artistlər Əjdər Zeynalov, Rövşən Kərimduxt, Gəncə Dövlət Dram Teatrının aktyorları Ramiz Vəliyev, Sevda Ələkbərova, aktyor Şirzad Pirallahı və başqaları rol alıblar.

Süjet xətti ötən əsrin 40-cı illərində Azərbaycanda yaşamış alman mənşəli Şollerlər ailəsinin həyatı üzərində qurulmuş filmin çəkilişləri Gəncə, Xanlar, Tovuz və Bakıda aparılıb. Filmdə alman ailəsinin timsalında insan dramı göstərilib, eyni zamanda, xalqımızın multikultural dəyərlərə sadiq qalması diqqətə çatdırılıb. Film real hadisələrə əsaslanır.

Tarix
2018.12.28 / 00:14
Müəllif
Kult.az
Şərhlər
Загрузка...
Digər xəbərlər

Sürücülərin “gizlənpaç” oyunu 800 manata başa gələ bilər

Azərbaycanlı müğənnini Moskvada öldürmək istədilər

Məşhur aktyorun 100 min xərclədiyi məkan uçdu

Azərbaycanda aparıcı qonağın başında butulka qırdı – Video

Nurməhəmmədov UFC reytinqində gerilədi

İranda TV rəhbəri Çeki Çana görə işdən qovuldu

Azərbaycanlı xanım müğənni leytenant oldu

Anar üzü yanmış qadını belə dəyişdirdi - Video

Əməkdar artistə ağır itki

“Çuxur”un məşhur aktyorunun Bakı paylaşımı – Foto

KULT
<>
Xəbər xətti
 
Axar.az'da reklam Bağla
Reklam
Bize yazin Bağla