Ana səhifə Maqazin |
Haqqımda yazılan təhqir, böhtanların heç biri xətrimə dəymədi. Bu yerlərə zəhmətimlə gəlmişəm, başqaları kimi pul tökmədim, arxamda kimsə olmadı.
Axar.az xəbər verir ki, bu sözləri model Günay Musayeva "Bu stil mənim" verilişində yaşanan qalmaqalla bağlı deyib.
Model "Bizimləsən" verilişində sosial şəbəkələrdə təhqir olunmasına, övladına qarğış edilməsinə üzüldüyünü bildirib:
"Statuslarıma təhqir dolu şərh yazanlara da əhəmiyyət vermədim. Amma oğluma qarğış yağdırmaları məni məhv etdi. 3 yaşında uşağın nə günahı var?
Kimin haqqı çatır ki, ona qarğış etsin? Uşağım üçün başqa ölkədə çalışıram, müalicəsi ilə məşğul oluram. Həftənin 5 günü o uşaq pedaqoq yanına gedir. Onu xeyirli övlad kimi böyütməyə çalışıram".
G.Musayeva qeyd edib ki, hamı rahatlayacaqsa, verilişdən çıxmağa hazırdır: "O iştirakçıya gəldikdə isə həmişə onu dəstəkləmişəm. Verilişi izləyənlər bilir, ona nə demişəm.
Sadəcə, elə bir hissəsini kəsib verdilər ki, guya ona qışqırıram, o ağlayır. Halbuki, ona yarışın qaydalarını pozduğu üçün xəbərdarlıq etdim".
Xatırladaq ki, G.Musayeva "Bu stil mənim" verilişində Türkiyə türkcəsində danışdığı və iştirakçını ağlatdığı üçün sosial şəbəkələrdə, mətbuatda müzakirə mövzusuna çevrilib.
Tarix
2016.01.30 / 13:37
|
Müəllif
Dilarə Zamanova
|