Tanınmış aparıcı Xoşqədəm Hidayətqızı ATV-dən ANS-ə gətirdiyi komandasından imtina edib.

Axar.az xəbər verir ki, bu barədə özəl məlumatı Ölkə.az saytı yayımlayıb. Bildirilir ki, X.Hidayətqızı Xəzər TV-də başlayacağı yeni lahiyəsinə yalnız redaktor Aysər Həsənlini dəvət edib. ATV-dən Xoşqədəm Hidayətqızı ilə ayrılaraq ANS-ə gələn komandasının digər üzvləri - müxbir Elbrus Rüstəmov, prodüser Fərhad Hacıyev, redaktor Səbinə Əlicanova, operator Arif Məmmədov, prodüser köməkçiləri Naibə adlı xanım və Günay Əliyeva işsiz qalıb.

Qeyd olunur ki, ATV-dən böyük ümidlərlə ayrılan komanda ANS-də işlədiyi müddətdə demək olar ki, əməkhaqqı almayıb. Onlara "Deməsək, olmaz" verilişinin lazım olan reytinqi vermədiyi və bu üzdən də məvacib ala bilməyəcəkləri bildirilib.

Hazırda "Deməsək, olmaz" verilişini İradə İsaq aparır. O da ANS-ə öz komandası ilə qayıdıb.

X.Hidayətqızının isə yaxın günlərdə Xəzər TV-də qadınlarla bağlı bir proqrama başlayacağı bildirilir.