Qırğızıstanın ca-nyus portalı MDB Statistika Komitəsinin saytına istinadən birlik dövlətləri üzrə son 20 ilin makroiqtisadi göstəriciləri ilə bağlı material yayıb.

Axar.az xəbər verir ki, ölkələr üzrə göstəricilər bir qrafikə yığılıb ki, oxucu son 20 ilin nəticələrini görə bilsin.

Siyahıya iqtisadiyyatı son 20 ildə 5 dəfədən çox artan, neftlə zəngin Azərbaycan mütləq liderlik edir.

Materialda bildirilir ki, Qazaxıstan yüksək göstərici nümayiş etdirə bilməyib. Bu ölkədə artım cəmi 26 faizdir. Vurğulanır ki, Orta Asiya ölkələri arasında Özbəkistan yüksək nəticə göstərib, iqtisadiyyatı 3 dəfə artıb.

Tacikistan və Qırğızıstan müvafiq olaraq 269 və 234 faizlə növbəti yerləri tutub.

Sonrakı yerlərdə Rusiya (177 faiz), Moldova (173 faiz) və Ukrayna (107 faiz) gəlir.