Yuxarı

Axar.Az Logo

AZ RU EN آذ فا
Magistraturaya qəbul imtahanları keçirildi
DSX-də gənc əsgərlərin andiçmə mərasimi keçirildi
Basketbol azarkeşləri Nyu-Yorkda avtobusu yandırdı - Video

MTRŞ sədri: “Bölgələrdə analoq yayımı ilin sonunadək..."

Ana səhifə Media
12 Punto 14 Punto 16 Punto 18 Punto
MTRŞ sədri: “Bölgələrdə analoq yayımı ilin sonunadək..."

Bölgələrdə analoq yayımı bu ilin sonuna qədər, hətta ola bilsin ki, 2017-ci ildə dayandırıla bilər.

Bunu APA-ya Milli Televiziya və Radio Şurasının (MTRŞ) sədri Nuşirəvan Məhərrəmli deyib.

O bildirib ki, bölgələrdə analoq yayımın dayandırılmasının ləngiməsi dekoderlərlə bağlı ola bilər: "Ola bilsin ki, ayrı-ayrı bölgələr üzrə analoq yayımın dayandırılması ilə əlaqədar vaxt müəyyənləşdirək. Çünki bazar iqtisadiyyatının şərtlərinə görə dekoderləri vətəndaşlar özləri almalıdır. Amma birdən-birə bu proses ölkə miqyasında olsa, kifayət qədər dekoder tapılmaya bilər. Lakin biz yenə də qəbul etdiyimiz qərara uyğun hərəkət edəcəyik. İstəmirik ki, dekoderlərin qiyməti qalxsın. Bir qədər əvvəl dekoderlərin qiyməti qalxdı, vətəndaşlar lazım olanda, onları əldə edə bilmədi. Bu məsələ Rabitə və Yüksək Texnologiyalar Nazirliyi ilə razılaşdırılıb. Bu iş birbaşa vəzifəmiz deyil. Düşünürəm ki, ciddi problem olmayacaq".

"Milli Televiziya və Radio Şurası hələ bir neçə il bundan qabaq analoq yayımının dayandırılması ilə bağlı kifayət qədər konfranslar keçirib, maarifləndirmə işləri aparıb. Biz analoq yayımın daha tez dayandırılmasını istəyirdik. Çünki bu həm də bir imic məsələsidir. Biz sosial cəhətdən problemi olan insanlarla bağlı Nazirlər Kabinetinə müraciət etmişdik. Ona görə bu məsələ bir qədər uzandı, amma nəhayət qərar verməli idik. Çünki Beynəlxalq Telekommunikasiya İttifaqının da tövsiyəsi belə idi ki, 2015-ci ilin iyun ayında artıq bütün ölkələr analoq yayımı dayandırmalı idi. Amma yenə də əhalinin müəyyən hissəsinin vəziyyətini nəzərə alaraq, bunu daha gec etməyə qərar verdik və nəhayət ki, bu il qərar verdik. Həm də Azərbaycan prezidenti İlham Əliyevin sərəncamı ilə təsdiq edilən "Azərbaycan Respublikasında informasiya cəmiyyətinin inkişafına dair Milli Strategiyanın həyata keçirilməsi üzrə 2016–2020-ci illər üçün Dövlət Proqramı"na əsasına analoq yayım bu ilin sonuna kimi dayandırılmalı idi. Biz də həmin proqramın icrasını həyata keçirmək üçün belə bir qərar verdik. Artıq Bakı və Abşeron yarımadasında analoq yayımı dayandırılıb. Bizi qınayanlar deyirlər ki, biz əvvəlcədən hazır olmadıq. Artıq 3 ilə yaxındır ki, bu proses gedir. Ölkədə çoxlu sayda vətəndaş kabel şəbəkəsinə, peyk antenalarına qoşulub. Əhalinin böyük bir hissəsi bu prosesə hazırdır", – deyə MTRŞ sədri qeyd edib.

Qeyd edək ki, noyabrın 1-dən Bakı şəhəri və Abşeron yarımadasında analoq TV yayımı dayandırılıb. Bakı şəhəri və Abşeron yarımadasında yalnız rəqəmli TV yayımı həyata keçirilir. Növbəti mərhələdə respublikanın digər bölgələrində yayımlanan TV proqramlarının yerüstü analoq yayımının 1 dekabr 2016-cı il tarixdən etibarən dayandırılması barədə MTRŞ-da qərar qəbul edilib.

Tarix
2016.11.14 / 22:31
Müəllif
Axar.Az
Share
Digər xəbərlər

Ukrayna Putinin masasına qoyulan sənədləri ələ keçirdi - Foto

Dövlətçiliyimizin 4 mərhələsi: ...Qurtuluş və Quruluş

Azərbaycanla ABŞ TRİPP-in icrası məsələlərini müzakirə etdi

CNN-in Azərbaycanla bağlı uydurma yazısı - Foto

İqlimi dəyişdirən gizli texnologiyalar...

Şimali Kiprin baş naziri Azərbaycanı təbrik etdi

Əli Əsədov Şimali Kiprin baş naziri ilə görüşdü

Zülfüqarovdan ermənilərə: Etməyin, məsləhət görmürəm!

Rusiyada səssiz hakimiyyət dəyişikliyi baş verir - FT

Bunu Əliyev, Paşinyan, Magyar, Sandu bacardı - Saakaşvili

KULT
<>
Xəbər xətti
SORĞU
  
  
  
İstifadə qaydaları Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.

Bizimlə əlaqə Bizimlə Əlaqə 🔗

Bakı şəhəri, Binəqədi rayonu, S.S.Axundov küçəsi 31/23
(+994 12) 464-61-74, 464-61-75, 464-61-76
[email protected]
Reklam üçün: [email protected]

www.axar.az - 2026
Axar.az'da reklam Bağla
Reklam
Bize yazin Bağla