Ana səhifə Kult Musiqi |
Bu gün “Süfrə” restoranında media nümayəndələri ilə Faiq Ağayev və Hindistandandan Azərbaycana təşrif buyuran, 90-cı illərin ən parlaq hind ulduzu hesab edilən Alişa Çinai (“Oyna- oyna” filmində yaratdığı obrazla Azərbaycan tapaşaçısına tanışdır – red.) ilə mətbuat konfransı keçirilib.
Kult.az xəbər verir ki, Faiq Ağayev uzun müddət bu layihənin üzərində çalışdıqlarını və məhz indi ərsəyə gəldiyini vurğulayıb. Alişa Çinaiyə də jurnalistlərin suallarını cavablandırıb. “Şöhrətli xanımın şəxsi həyatına populyarlıq necə təsir edir?” sualına aktrisa-müğənni bildirib ki, ümumiyyətlə, istənilən qadın öz həyatını paralel şəkildə həm yaradıcılıq, həm də ailə stereotiplərini qoruyaraq yaratmalıdır.
Ayişa xanım həmçinin Faiq Ağayevlə bir filmdə rol ala biləcəyini istisna etməyib və bu yöndən verilən sualları müsbət qarşılayıb.
Faiq Ağayev isə bildirib ki, o, İncəsənət Universitetinin aktyorluq fakültəsini bitirib və Bollivudda çəkilmək onun üçün asan və maraqlı olacaq.
Qeyd edək ki, Ayişa Çinainin 59 yaşı var və ulduz indiyə kimi ailə qurmayıb.
Tədbirin əsas təşkilatçılarından olan Etibar Quliyev isə vurğulayıb ki, bu geniş layihə onların ilk addımlarıdır və gələcəkdə daha möhtəşəm tədbirlər gözlənilir.
Xatırladaq ki, sabahkı konsert tədbiri iki xalqın mədəniyyətini nümayiş etdirən festival qismində tamaşaçılara “Bollivud” adı altında təqdim olunacaq və Heydər Əliyev adına İdman Konsert Kompleksinin səhnəsini bu möhtəşəm gündə iki ulduz bölüşəcək; Azərbaycanın xalq artisti Faiq Ağayev və Hindistanın ən parlaq xanım ulduzlarından olan Alişa Çinai.
Tarix
2017.11.11 / 01:38
|
Müəllif
Aynur Nurlu
|