Rza Zərrab Sibel Canın, İbrahim Tatlısəsin və Əbru Gündəşin oxuduğu məşhur mahnıların sözlərini yazıb.

Kult.az xəbər verir ki, qaçaqmalçılıq və rüşvət iddiası ilə həbs edilən Rza Zərrab əvvəllər Türkiyədə şair və bəstəkar kimi də tanınıb.

O, Əbru Gündəşin “Sadəcə sevdim”, “Ölümsüz eşqlər” mahnılarının söz və musiqi müəllifi olmaqla yanaşı, Sibel Canın “Əski torpaq”, İbrahim Tatlısəsin “Nədən” mahnılarının da müəllifidir.

İş adamı 10 fevral 2010-cu ildə Əbru Gündəşlə evlənib və 2011-ci i oktayabrın 15-də cütlüyün Alara adlı qızı dünyaya gəlib.

Rza Zərrab Əbru Gündəşə bağışladığı bahalı hədiyyələri ilə tez-tez gündəmə gəlib. Qızının doğulması münasibətilə Əbru Gündəşə İstanbulda 40 milyon dollar dəyərində villa alan Rza Zərrab ona 3 milyon 750 min türk lirəsi dəyərində ofis də hədiyyə edib. Bundan başqa o, həyat yoldaşına Bodrumda 1 milyon avroluq bağ evi, maşın və təyyarə bağışlayıb. Hətta onun müğənni üçün Dubayda da ev aldığı bildirilir.