Bu gün bəstəkar, əməkdar incəsənət xadimi Tahir Əkbərin doğum günüdür.

Kult.az xəbər verir ki, bu barədə onu sevənlər Feysbuk hesabında məlumat paylaşıb. Bəstəkarın yaxın dostu əməkdar artist Aybəniz Haşımova isə doğum günü 20 Yanvara düşdüyü üçün Tahir Əkbərin heç vaxt bu günü qeyd etmədiyini bildirib. A.Haşımova həmçinin bəstəkar üçün hər açılan səhərin onun doğum günü olduğunu vurğulayıb:

"Dəyərli bəstəkar, artıq neçə aydır ki, sağlamlığın uğrunda mübarizə aparırsan. Allah səni tək buraxmasın. Sən ölkəmizin gərəkli və çox lazımlı incəsənət xadimisən!"

Xatırladaq ki, əməkdar incəsənət xadimi, bəstəkar Tahir Əkbər insult keçirmişdi və vəziyyəti həddən artıq ağır idi. Onun bütün müalicə xərclərini Birinci vitse-prezident, Heydər Əliyev Fondunun rəhbəri Mehriban xanım Əliyevanın tapşırığı ilə Heydər Əliyev Fondu öz üzərinə götürüb.