Sənət o zaman böyük olar ki, һәmin sәnәtə məna verәsәn. Oxuyanda, çalanda səni düşündürsün. Bu baxımdan Sara Qәdimovanın oxuması mәnim xoşuma gәlir, o, sözlәri aydın deyir...

Bu sözlərin müəllifi xalq şairi Səməd Vurğundur. O, hər zaman Sara Qədimovanın sәnətkarlığını yüksək qiymәtlәndirir, onun gələcəkdə daha böyük sənətkar olacağını deyirdi. Deyilənə görə, Sara xanımın elə bir konserti olmazdı ki, Səməd Vurğun orada iştirak etməsin.

Xüsusi səs tembri, ovsunlayıcı avazı, öz dəsti-xətti olan Sara Qədimova 1922-ci il mayın 31-də Bakıda doğulub. Fəaliyyətinə 1941-ci ildə Müslüm Maqomayev adına Azərbaycan Dövlət Filarmoniyasının solisti kimi başlayan Qədimova, qısa müddət ərzində tanınır. Onun sənətkar kimi yetişməsində Hüseynqulu Sarabski, Xan Şuşinski, Seyid Şuşinski kimi sənətkarların təsiri olub.

Onun məlahətli səsi yalnız konsert salonlarında deyil, opera səhnəsində də tamaşaçıların zövqünü oxşayıb. Sara Qədimova Üzeyir Hacıbəylinin operalarında Leyli və Əsli obrazlarını xüsusi ustalıqla yaratmışdı. Onun repertuarı çox zəngin idi:xalq mahnıları, təsniflər, bəstəkar mahnıları ilə yanaşı, muğamlarımızı da gözəl ifa edirdi.

Daha ətraflı Axar TV-nin təqdim etdiyi süjetdə: