Bukmeykerlər “Avroviziya-2018” yarışmasının mümkün qalibi barədə proqnoz veriblər.

Kult.az xəbər verir ki, proqnozlar “Eurovisionworld.com” saytında yayımlanıb.

Birinci yerə Estoniyadan olan Elina Naçayeva adlı opera ifaçısı layiq görülüb. O, italiyan dilində səsləndirdiyi “La Forza” adlı mahnı ilə ölkəsini təmsil edəcək.

İkinci yeri Bolqarıstan təmsilçisi tutub.

Üçüncü yerdə isə Çexiyadan olan Mikolas Yozef adlı ifaçı “Lie to me” bəstəsi ilə qərarlaşıb.

16-cı yerdə təmsilçimiz Ayseldir. O, “X My Heart” mahnısı ilə Azərbaycanı təmsil edəcək.

Qeyd edək ki, bu il “Avroviziya” mahnı müsabiqəsi Portuqaliyanın paytaxtı Lissabonda mayın 8, 10 və 12-i tarixlərində baş tutacaq.

Yarışmaya 43 ölkənin ifaçısı qatılacaq.