Azərbaycan polisinin 100 illiyi ərəfəsində ölkə polisi haqqında yeni marş yazılıb.

Kult.az xəbər verir ki, sözləri Bakı Şəhər Baş Polis İdarəsinin (BŞBPİ) əməkdaşı, polis kapitanı Elşad Hacıyevə aid olan marşın bəstəkarı Aydan Əliyevadır. Aranjemanı BŞBPİ-nin əməkdaşı, polis mayoru Xəyal Məmmədov edib. Marşı Dövlət Musiqili Komediya Teatrının solisti Səməd Xasıyev ifa edib.

Marşın sözləri:

Şanlı tarix keçibdir,

Hər anında Vətən var,

Hər sözündə Vətən var,

Vətəndaşı, insanı

Qoruyandı, qoruyan,

Azərbaycan polisi!

***

Vəzifəsi müqəddəs,

Sədaqəti əbədi,

Azərbaycan polisi!

Vicdanla qorumağa,

And içibdir Vətəni

Azərbaycan polisi!

***

Gecə-gündüz demədən,

Asayiş keşiyində,

Ayıq-sayıq dayanıb,

İnsandır əmanəti,

Xalqına xidmət edir -

Azərbaycan polisi!

***

Nəqarət

Vətən yolu – haqq yolu,

Haqq yolundan dönməyən,

Lazımsa, candan keçər,

Azərbaycan polisi!

Qeyd edək ki, hazırda Azərbaycan polisinin 100 illik yubileyi münasibətilə Daxili İşlər Nazirliyinin Polis Akademiyasında təntənəli mərasim keçirilir.