TV8 telekanalında Acun Ilıcalının aparıcılığı ilə yayımlanan "O səs Türkiyə"nin yeni mövsümünün növbəti buraxılışında səhnəyə İranda yaşayan azərbaycanlı iştirakçı çıxıb.

Oxu.az xəbər verir ki, 36 yaşlı Əli Rza Aryan musiqi təhsilini Azərbaycan Milli Konservatoriyasında aldığını deyib.

O, "O sole mio" opera musiqisi ilə bütün münsifləri özünə tərəf döndərə bilib və ondan daha bir mahnı ifa etməsini rica ediblər.

Müğənni Ebru Gündeş Əli Rzanı razı salmaq üçün hətta azərbaycanca danışıb. Lakin Əli Rza Aryan Gökhan və Hakan qardaşlarını seçib.

Qeyd edək ki, yarışmanın münsiflər kürsüsündə müğənnilər E.Gündeş, Hadisə, Gökhan-Hakan Özoğuz qardaşları və Murad Boz əyləşir.