Yuxarı

Polad Bülbüloğluna Tiflisin açarı təqdim edildi

Ana səhifə Kult Musiqi
12 Punto 14 Punto 16 Punto 18 Punto
Polad Bülbüloğluna Tiflisin açarı təqdim edildi

Azərbaycanın Rusiyadakı səfiri Polad Bülbüloğlu "Tiflis şəhərinin fəxri vətəndaşı" adına layiq görülüb və ona Tiflis şəhərinin açarı təqdim olunub.

APA-nın Gürcüstan bürosunun məlumatına görə, tədbir Gürcüstanın Milli Dövlət Muzeyinin həyətində açıq havada keçirilib və "Tiflis şəhərinin fəxri vətəndaşı" diplomunu Polad Bülbüloğluna Tiflis şəhər meri David Narimania təqdim edib.

Tədbirdə "Fəxri vətəndaş" seçilməyinə görə minnətdarlığını bildirən Polad Bülbüloğlu Tiflisi uşaqlıq illərinin şəhəri adlandırıb, valideynlərinin burada tanış olduğunu bildirib: "Bu şəhərdə Azərbaycanın görkəmli adamları yaşayıblar. Onlardan bir çoxu burada uyuyurlar. Bu şəhərdə Mirzə Fətəli Axundov adına Mədəniyyət Muzeyi fəaliyyət göstərir. Burada 1918-ci il mayın 28-də Azərbaycan Demokratik Respublikasının istiqlaliyyəti elan edilib. Bu gözəl şəhərdə Azərbaycanın görkəmli oğlu, ümummilli lider Heydər Əliyevin büstü var. Mən imkandan istifadə edib Tiflis şəhər merinə, Gürcüstanın Mədəniyyət nazirinə təşəkkürümü bildirmək istəyirəm ki, bu şəhərdə mənim atam Bülbülün büstünü ucaldıblar. Burada mənim atam burada anamla qarşılaşıb. Buna görə də mən bu şəhəri heç vaxt unutmuram", - Polad Bülbüloğlu bildirib.

Ona göstərilən bu böyük şərəfə görə, Polad Bülbüloğlu tədbir iştirakçıları qarşısında Azərbaycan və gürcü mahnılarını ifa edib. Onun ifası alqışlarla qarşılanıb.

Tədbirdə Gürcüstanın hökumət və dövlət rəsmiləri, mədəniyyət və incəsənət xadimləri, nazirlər, Gürcüstanın Azərbaycandakı səfiri Azər Hüseyn və səfirliyin əməkdaşları, Mirzə Fətəli Axundov adına Mədəniyyət Muzeyinin direktoru Leyla Əliyeva və digər rəsmi şəxslər, ictimaiyyət nümayəndələri iştirak ediblər.

Tarix
2015.10.17 / 00:52
Müəllif
Axar.az
Digər xəbərlər

Bu mərkəzə yeni direktor təyin olundu

Bayramov və Fidan arasında telefon danışığı oldu

Əliyevlə deyil, kimlə imzalayım? Lula da Silva ilə?

Sahibə Qafarova bu türk ölkəsinə getdi

Ölsəniz belə, sülh olacaq - Ararat Mirzoyan

Bayramovla ABŞ rəsmisi arasında kritik görüş

Kvrivişvili İlham Əliyevlə görüşündən danışdı

Çaylarla bağlı məsələni Bakı ilə danışmalıyıq - Paşinyan

Azərbaycan və Gürcüstan hərbi əməkdaşlığı müzakirə etdi

Paşinyan Azərbaycanla delimitasiya prosesindən danışdı

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla