Anamın vəsiyyətinə məyus olmuşdum. Niyə belə bədbin söhbətlər olduğunu anlamırdım. İndi münasibətim dəyişib. Həyatın qanunlarından agaham.

Axar.az xəbər verir ki, bu sözləri xalq artisti Flora Kərimovanın qızı Zümrüd deyib.

ANS-də "Günə baxan" verilişinin qonağı olan Zümrüd bildirib ki, anasının hazırladığı vəsiyyət onu çox məyus edib.

F.Kərimova isə belə bir vəsiyyəti çoxdan hazırladığını deyib: "Qızımın 3-4 yaşı var idi, atası da sağ olanda vəsiyyət yazdım. Bunu etdim ki, öləndən sonra gorum söyülməsin.

Qardaş bacı ilə gözəl münasibətdə olur. Amma valideynin eqoistliyi ucbatından münasibət pozulur. Varislik onları düşmən edir. Ananın ruhunun abrı gedir. Düşüncəli ev sahibi vəsiyyətini vaxtında etməlidir".

Xalq artisti övladına vəsiyyət edib ki, vəfatından sonra mahnılarını oxuyanda varisliyi problem etməsinlər: "Qızım sənə vəsiyyət edirəm ki, bu mahnılar, xalqındır, elindir, obanındır".