Oktyabrın 21-i saat 19:00-da Beynəlxalq Muğam Mərkəzində Beynəlxalq Uşaq Muğam Festivalı keçiriləcək.

Axar.az xəbər verir ki, festival "Kainat" Gənclik Mərkəzi tərəfindən Gənclər və İdman, Mədəniyyət və Turizm nazirliklərinin dəstəyi ilə təşkil olunub.

Musiqi yarışmasında Azərbaycan, Türkiyə, Qazaxıstan, Özbəkistan, Tacikistan, İran, İraq və Misir olmaqla, səkkiz ölkənin təmsilçisi bir araya gələcək.

Gənc muğam ifaçılarının çıxışları xalq artisti, professor Ağasəlim Abdullayevin rəhbərlik etdiyi münsiflər heyəti tərəfindən qiymətləndiriləcək. Fərqlənənlər üçün iki 3-cü yer, iki 2-ci yer, bir 1-ci yer və 1 baş mükafat (Qran-pri), həmçinin həvəsləndirici və xüsusi mükafatlar nəzərdə tutulub.