Xalq artisti Samir Cəfərov dekabrın 16-dan 20-ə qədər Belarusun paytaxtı Minskdə qastrol səfərində olacaq.

Axar.az xəbər verir ki, Samir Cəfərov Belarus Milli Akademik Böyük Opera və Balet Teatrının dəvəti ilə VI Beynəlxalq Milad Opera forumunda iştirak edəcək. Belarus Respublikasının mədəni həyatında mühüm yer tutan Milad Opera forumu dünya ictimaiyyətində böyük maraqla qarşılanır.

Forum çərçivəsində nümayiş olunan tamaşa və konsertlərdə bir sıra ölkələrdən məşhur opera truppaları, vokalçılar qonaq olur, premyeralar və Qala konsertlər keçirilir.

Xatırladaq ki, xalq artisti Əli Əsgərov 2013-cü ildə, əməkdar artist Afaq Abbasova isə 2014-cü ildə bu möhtəşəm tədbirdə ölkəmizi təmsil edib.