Müğənni Sevda Yəhyayeva həyatda qazandığı uğurların sirrini açıb.

Axar.az xəbər verir ki, bir neçə gün əvvəl "Yanlış adam" adlı klipini təqdim edən Sevda Yəhyayeva "Hər şey daxil" verilişinin qonağı olub.

İfaçı veriliş ərzində öz sahəsində uğur qazanmağın yollarından bəhs edib. Yəhyayeva bu sahədə irəliləmək üçün valideyn dəstəyinin əsas olduğunu deyib: "Bu sahədə ananın dəstəyi olmasa, irəli getmək çox çətindir. Onun razılığı, xeyir-duası çox vacibdir. Məni də anam hər işimdə həmişə dəstəkləyib. Mən də daima onunla məsləhətləşmişəm".

İfaçı bu arada yeni klipindən də söz açıb. Uzun müddət sonra Anar Hüseynovun rejissorluğu ilə "Yanlış adam" mahnısına klip çəkdirən Sevda mahnısının həm dinləyicilər, həm də həmkarları tərəfindən sevildiyini bildirib.