"Riqoletto" operasının tamaşasında Ukraynadan olan opera ulduzları da iştirak edəcəklər.

Azərbaycan Dövlət Akademik Opera və Balet Teatrının mətbuat xidmətindən Axar.az-a verilən məlumata görə, tamaşada teatrın aparıcı solistləri ilə yanaşı, onların kiyevli həmkarları da iştirak edəcək.

Opera həvəskarlarına adı yaxşı tanış olan Ukraynanın xalq artisti, vokalçıların beynəlxalq müsabiqələrinin laureatı Olqa Naqornaya və əməkdar artist Dmitri Kuzmin "Hersoq", Dmitri Qrişin isə "Riqoletto" partiyasını səsləndirəcək.

Tamaşada həmçinin yerli sənətçilər - xalq artisti Əli Ələsgərov, əməkdar artistlər Əkrəm Poladov və Səbinə Əsədova da əsas rollarda çıxış edəcəklər.

Qeyd edək ki, operanın dirijoru xalq artisti, professor Cavanşir Cəfərovdur.