Mən Bakıda 50 il əvvəl olmuşdum və yenidən ora gedəndə tam fərqli bir Bakı gördüm.

Bu sözləri Report-a açıqlamasında məşhur italiyalı müğənni Albano Korrizi deyib.

O, iki il əvvəl Bakıda "İtaliya gecələri" tədbirinin keçirildiyini və məşhur italiyalı müğənnilərin orada çıxış etdiyini xatırladıb:

"Bu, inanılmaz idi və onu göstərir ki, hökumət Azərbaycanın dünyada daha çox tanınması üçün böyük işlər görür".

Müğənni, həmçinin Bakıya yenə gələcəyinə ümid etdiyini bildirib.

Xatırladaq ki, 2013-cü ilin dekabrında Albano Korrizi "San Remo" İtaliya musiqi festivalının iştirakçıları - Toto Kutunyo, "Ricchi E Poveri" qrupu, Rikkardo Folyi, Umberto Totsi, Toni Espozito, Pupo, "Matia Bazar" qrupu, Mariya Fiordalizo, İvana Spanya ilə birgə "Baku Crystal Hall" kompleksinin səhnəsində çıxış edib.