Cənubi azərbaycanlılardan ibarət "Aşıqlar Mişo" qrupunun çıxışı 31-ci Fəcr Musiqi Festivalında böyük marağa səbəb olub.

Axar.az xəbər verir ki, bu barədə türk mediası məlumat yayıb. Tehranda təşkil olunan klassik pop və ənənəvi xalq mahnılarının səsləndirildiyi festivala Tacikistan, Hindistan, Ermənistan, İtaliya, İspaniya, Avstraliya, Fransa, Almaniya, Portuqaliya və Slovakiyadan musiqi qrupları qatılıb.

Festival çərçivəsində Niavaran Mədəniyyət Mərkəzində keçirilən konsertdə istedadlarını nümayiş etdirən Əhməd Mələki Əlişahın solist olduğu 7 nəfərlik qrup Azərbaycan xalq mahnılarını ifa edib.