Keçən il İŞİD terror təşkilatının Fransada törətdiyi dəhşətli faciə vaxtı Bataklan konsert salonunun səhnəsində olan "Ölü metalın qartalları" (Eagles of Death Metal) rok qrupu Parisə geri qayıdıb.

Axar.az xəbər verir ki, dəhşətli terror aktından sonra Parisdə ilk dəfə konsert verən qrup üzvləri konserti "Salam, Paris, biz hazırıq" sözləri ilə başlayıb.

Qrupun solisti və yaradıcısı Cessi Hyus konsertdən əvvəl pərsətişkarları ilə görüşərək bu sözləri deyib:

"Parislilər bizə həmişə çox mehriban olublar, bizim də bu şəhərə olan sevgimiz aylar keçdikcə daha da güclənib. Başladığımız işi bitirməmək bizlik deyil, yarımçıq qalan konserti tamamlayacağıq".

Qeyd edək ki, konsert vaxtı ətrafda ciddi təhlükəsizlik tədbirləri görülüb.

"You have no idea how much I needed you tonight and you did not let me down" #EODM #paris pic.twitter.com/56Ri5vGBEX

— Greg Dawson (@Gregstweet) 16 февраля 2016