Fevralın 17-i saat 16:00-da "Məhəmməd üçün" adlı xeyriyyə aksiyası çərçivəsində konsert proqramı təşkil edilib.

Axar.az xəbər verir ki, Rus Dram Teatrında reallaşan konsertdə Röya, Natavan Həbibi, Roza Zərgərli, Emil Bədəlov, Ceyhun Qala, Sevinc Musayeva, Samira, Xuraman Şuşalı, Əbdül Xalid kimi məşhur müğənnilər çıxış edib. Tədbirə gələnlər üçün sərgi də nümayiş edilib.

Konsertin keçirilməsində əsas məqsəd kəskin limfoblastik leykemiya (qan xərçəngi) xəstəliyindən əziyyət çəkən 2010-cu il təvəllüdlü Məhəmməd Musazadənin Türkiyənin paytaxtı Ankara şəhərində yerləşən Hacettepe Universitetinin xəstəxanasında müalicə almasına maddi yardım göstərməkdir.