Bu il Avroviziya-2016 mahnı müsabiqəsində Ukraynanı Suzan Cəmaləddinova təmsil edəcək.

ANS-in məlumatına görə, Krım-tatar mənşəli ukraynalı müğənni müsabiqədə "1944" adlı mahnısını ifa edəcək.

Stokholmda keçiriləcək final mərhələsində S.Cəmaləddinovanın mahnısı İosif Stalinin Krım tatarlarını Orta Asiyaya deportasiya etməsi barədədir. Müğənni mahnını tatar dilində və ingiliscə ifa edəcəq.

"Həmin dəhşətli il bir qadının həyatını dəyişdirirb. Mənim nənəmin nənəsi Nazıl xanının həyatı həmin ildən sonra əvvəlki kimi olmadı", - 32 yaşlı caz ifaçısı mahnısı barədə danışıb.

1944-cü ilin mayında 250 min Krım tatarı qatarlara doldurularaq Orta Asiyaya göndərilib. On minlərlə insan yolda, daha sonra isə aclıqdan və xəstəlikdən həlak olub.

S.Cəmaləddinova Cəmalə kimi məşhurdur. İfaçı Qırğızıstanın Oş şəhərində dünyaya gəlib. İfaçının atası tatar, anası isə ermənidir. Cəmalənin uşaqlığı Krımda keçib.