Bizim Təbrizi xatırlamağımız və düşünməyimiz təbiidir.

Bu sözləri bəstəkar Tural Bakuvi Təbrizə yeni mahnı həsr etməsi haqda Axar.az-a danışarkən deyib. O, bu işi uzun müddət planlaşdırdığını bildirib:

"Çoxdandır instrumental kompozisiya işləmirdim, lakin planda var idi ki, Təbrizə instrumental musiqi həsr edim. Bizim Təbrizimizi xatırlamağımız, düşünməyimiz təbiidir. Çünki Təbriz bizim tarixi vətənin - Cənubi Azərbaycanın mərkəzi, böyük Səfəvi dövlətinin paytaxtıdır. Bu səbəbdən, bir növ, mənim üçün mənəvi borc idi bu. Düşünürəm, bir azərbaycanlı, bir oğuz kimi borcumu az da olsa, ödəyə bilmişəm. Kompozisiyanın aranjimanı Ramal Rəsula, qarmon ifası Sübhan Köçərliyə, tar Şəhriyar İmanova, skripka isə İsmayıl Əlizadəyə aiddir. İnanıram ki, dinləyicilər bu kompozisiyamı da digərləri kimi sevərək dinləyəcəklər".