Niyə bu gün Azərbaycan "Avroviziya"da hərbi geyimdə çıxış etmir? Niyə sətiraltı da olsa, mahnıda Qarabağa eyham vurulmur?

Axar.az xəbər verir ki, bu sözləri müğənni Elnarə Xəlilova "Avroviziya"da Qarabağ münaqişəsinin təbliğ olunmaması haqda rəsmi İnstaqram səhifəsində yazıb. O bu hala kəskin etirazını bildirib:

"Niyə səsimizi bütün dünyaya duyurmuruq ki, 24 ildir işğalçı bir dövlət tərəfindən dəfələrlə soyqırıma məruz qalmışıq? Amma bizim yerimizdə Ermənistan olsaydı, indi Qarabağda ulu babalarının bir vaxtlar əkdiyi ərik ağacına həsr edilmiş və səhnələşdirilmiş performansları ilə bütün dünyaya öz qondarma soyqırımlarını yedizdirmişdilər. Axı niyə biz həmişə "fora" veririk? Gözləyirik ki, yeməyənin payını yesinlər? Niyə hazır fürsət ikən bütün dünyaya "bizi işğal ediblər" qışqırmırıq?"

Qeyd edək ki, İsveçdə keçirilən Avroviziya-2016 musiqi yarışmasında Azərbaycan təmsilçisi Səmra Rəhimli "Miracle" mahnısı ilə çıxış edəcək.