2025-ci ildə Rusiya Avropaya hibrid hücumların və təxribatların sayını əhəmiyyətli dərəcədə azaldıb. Bunun səbəblərindən biri də təxribatçıların tam səriştəsizliyidir.

Axar.az xəbər verir ki, bu barədə “Blumberq" agentliyi məlumat yayıb.

Beynəlxalq Strateji Araşdırmalar İnstitutunun analitik mərkəzinin hesabatına görə, bu ilin yanvar-may ayları arasında Avropaya Rusiyanın 11 hibrid hücumu olub. 2024-cü ildə isə bu rəqəm 30-dan çox idi.

Adları açıqlanmayan Qərb rəsmilərinə görə, Rusiya ABŞ-ın yeni administrasiyasının ilk aylarında Avropaya hücumlarını dayandırmış ola bilər, çünki Rusiya Donald Trampla münasibətlərini dərhal korlamaq istəməyib.