İsveç hökuməti Ukrayna üçün ABŞ silahlarının alınması ilə bağlı 275 milyon dollar ayıracaq.

Axar.az xəbər verir ki, bunu İsveç müdafiə naziri Pol Yonson deyib.

“Norveç, İsveç və Danimarka NATO-nun Ukraynaya silah tədarükü təşəbbüsü üçün vəsait ayırmağa qərar verib. Bu təşəbbüs NATO tərəfindən koordinasiya olunur. Vəsait gələn aydan etibarən Ukraynaya silah tədarükü üçün istifadə olunacaq. Bu, Ukraynanın müdafiə qabiliyyəti üçün çox vacibdir və transatlantik əməkdaşlığı gücləndirmək üçün strateji əhəmiyyətə malikdir”, - nazir bildirib.

Qeyd edək ki, Niderland ABŞ-dan Ukrayna üçün 500 milyon avro dəyərində silah alıb.