Vladimir Putin və Donald Tramp arasında yüksək səviyyəli görüşün keçirilməsi barədə razılıq əldə olunub. Sammitin təşkili ilə bağlı hazırlıq işlərinə start verilib.

Axar.az xəbər verir ki, bu barədə Rusiya prezidentinin köməkçisi Yuri Uşakov məlumat yayıb.

“Amerika tərəfinin təklifi ilə yaxın günlərdə Putin və Tramp arasında ikitərəfli yüksək səviyyəli görüşün keçirilməsi barədə prinsipial razılıq əldə olunub”, - Uşakov bildirib.

Onun sözlərinə görə, görüşün keçiriləcəyi məkan artıq müəyyən olunub və Kremlin bu barədə əlavə məlumat verəcəyi gözlənilir:

"Görüşün gələn həftə baş tutması planlaşdırılır, lakin hazırlıq işlərinin neçə gün çəkəcəyini indidən demək çətindir”.