Can Dündar "Cümhuriyyət" qəzetinin baş redaktoru vəzifəsindən istefa verib.

Axar.az xəbər verir ki, o, qəzetin idarəetməsini Cümhuriyyət Vəqfinə tapşırıb.

Qəzetin heyəti ilə söhbətində səlahiyyətlərini Cümhuriyyət Vəqfinə verdiyini deyən jurnalistin başqa ölkəyə gedəcəyi və orada köşə yazarı kimi fəaliyyət göstərəcəyi bildirilir.

Can Dündar istefası ilə bağlı yayımladığı mesajda çox yorulduğunu qeyd edib:

"Əziz dostlar, son bir il ərzində həbslər, məhkəmələr, təhqirlərlə üz-üzə qaldım. Bu müddət ərzində istirahət edə, dincələ bilmədim. Jurnalist əqidəmdə, inadımda zərrə qədər də olsun azalma yoxdur, amma həm fiziki, həm də mənəvi cəhətdən çox yorulmuşam".